السيسي: دخول أراضي كثيرة بسيناء للإنتاج بنهاية العام

قال الرئيس عبد الفتاح السيسي :«نقدر نقول النهارده هيبقى في كمية أراضي كبيرة قادرة تدخل الإنتاج على نهاية السنة دي في سيناء، وخطتنا خطة غير متواضعة».

وأضاف الرئيس السيسي، خلال تفقده اصطفاف المعدات المشاركة في تنفيذ خطة الدولة لتنمية وإعمار سيناء: “ميناء العريش، ناس كتير مستغربة إن إحنا بنعمل عملية توسعة للميناء”، موضحًا: «إحنا النهارده بنعمل ميناء عالمي في هذا المكان.. حاجة غير اللي كانت موجودة قبل كده خالص».

وتابع رئيس الجمهورية: «إحنا بنتكلم في ميناء عملاق يقدر يطلع كل المنتجات سواء تعدين أو منتجات زراعية”، مشيرًا إلى أن: “الكلام ده مش معمول لدلوقتي.. إحنا بنتكلم على 5 و10 ويمكن 20 سنة قدام».

وقدم الرئيس عبدالفتاح السيسي الشكر لأهالي سيناء، قائلا: “سعيد بكم وبأشكركم وبأشكر كل أهالي سيناء، وبأقول للأسر اللي ضحت وعانوا وخسروا أبناء نتيجة العمليات اللى حصلت، عزاؤنا إن كان التمن هو تمن تنقية التخلص من آفة موجودة.. صدقوني كان الهدف منها إنها تفقد الدولة المصرية هذا الجزء العزيز من أرضنا لأن إحنا النهارده الجيش الشرطة مش قادرة تتحرك والشركات، بدليل لما كنت تيجي تعمل طريق أو مشروع هل كانوا بيسيبوكم تعملوا ده؟.طيب اللى كان بيتعمل ده ما كنش بيتعمل لينا إحنا كان بيتعمل للناس”.